GOUE DROME
 
Jou musiek ... ons passie!



Carina Renz
Chandré
Chandré

Gouwsie

Jerome Alden 

John Perkins 

Kaalvoetklong 

Marinus van Rooyen

Gitte Alberts

DIE BURGER BAY FM SANGKOMPETISIE

KLIK HIER VIR DIE INSKRYWINGSVORM

 

Gratis nuusbrief 

As jy die gereelde gratis

GOUE DROME e-NUUSBRIEF en Vermaakgids

wil ontvang ... klik hier!

Nuusargiewe - klik hier


PORTCHIE SKILDER

STEF KRUGER CD-OMSLAG

Die wêreldbekende skilder, Portchie, het die omslag vir Stef Kruger se nuutste album geskilder. Die tema is Stef Kruger se “wortelwêreld”, Philippolis. “Dis my plek, dis my dorp, hier het my siel mens geword,” sing Stef in die snit “My wortelwêreld” wat reeds op die BAY FM VAT 5 MET ‘FEEL’ gevoelsmusiek treffersparade opgang maak.

Stef se splinternuwe album, SKILDER JOU LIEFDE, bevat 14 van sy gewildste treffers oor die jare. Hy is veral bekend as liedjieskrywer van Dozi se  grootste treffers. Die eerste deurbraak het egter gekom toe Lucas Maree sy Kronkelpadbeloftes opgeneem het. Vandaar het Dozi sy werk opgeneem en treffers van Tussen jou en my, Pennies op die spoor, Ma se song, Grassade in die wind gemaak. Dozi het altesaam 56 van Stef se liedjies opgeneem. Verskeie ander  kunstenaars soos Jannie Moolman, Mathys Roets, Nadine, Pieter Smith, Carina Renz, ELSaBé Rademeyer, Siklus!, Zippo, Frikkie Mulder, Robert Gillmer, Steyn Fourie, Anton Goosen, om maar net enkeles te noem, het al van Stef se skatkis van meer as 300 liedjies opgeneem.

 

Stef beskik oor ‘n baie spesiale charisma en sielvolheid wanneer hy sy eie werk vertolk. Sy nederigheid, minsaamheid, fyn waarnemingsvermoë en verstaan van die sin van alles is deel van die pakket wanneer jy na sy musiek luister.

 

Die snit My wortelwêreld is sover bekend nog nie deur iemand anders opgeneem nie en dit wil voorkom asof dit Stef se persoonlike treffer op die album is. In die boendoes van my hart en Maak vir my ’n skildery kom ook tot volle reg met Stef as persoonlike vertolker. Om die waarheid te sê, wanneer Stef enige van sy eie werk sing, is daar net iets spesiaal wat daaruit straal. Liefhebbers van skoon, eerlike, opregte, fyn besnaarde musiek, met keurige akkoordgebruik en eenvoudige dog treffende begeleiding sal hierdie album koester as ‘n kleinnood.

 

Skilder jou liefde bevat die volgende snitte:

 

Al gebeur wat

Dis Bosveldmooi

Ek dink aan jou (Muskus)

Grassade in die wind

Hou Koers (Ook bekend as Hart se Spoor)

In die boendoes van my hart

Ma se song

Maak vir my ‘n skildery

Maybe my baby

My wortelwêreld - (treffer! - GD)

Pennies op die spoor

Tussen die lyne

Tussen jou en my

 

Vir navrae oor die album skryf gerus aan info@gouedrome.co.za of skakel Elna Botha by 082 706 9717.

 

Meer besonderhede oor Gitte Alberts, 2010 se DIE BURGER BAY FM SANGKOMPETISIE-WENNER is hier op GOUE DROME - klik hier!

 

***************

JONG PIANIS EERSTE MINI WOW!-STêR MUSIKANT WENNER

Tot dusver was die wenners van die gewilde GOUE DROME WOW!-STêR talentdae telkens sangers. En alhoewel daar enkele musikante deelgeneem het kon nie een van hulle daarin slaag om as MINI    WOW!-STêR (algehele wenner van die talentdag) aangewys te word nie. Gerhard Olivier van Somerset-Oos het die bordjies verhang toe hy skoonskip gemaak het met sy uitstekende klavierspel op Saterdag 11 Junie se talentdag op hierdie dorp.

 

Deelnemers van enige ouderdom kom leef hulle droom uit by die WOW!-STêR met die wete dat hulle nie afgejak sal word nie, maar dat die beoordelaars hulle drome respekteer en hulle wil bystaan om dit te verwesenlik. Dit is presies wat met Gerhard Olivier gebeur het. Hy het kom  luister wat die beoordelaars te sê het oor sy klavierspel by twee vorige talentdae op Somerset-Oos. Hy het hulle raad gevolg om nie net gewoonweg ‘n pianis te wees nie, maar ook elemente in sy spel en choreografie in te bring wat die vermaaklikheids-faktor van sy aanbieding drasties verhoog het.

 

 

Met hierdie raad onder die arm het Gerhard homself voorberei en met sy aanslag by Saterdag se talentdag het hy almal se voete onder hulle uitgeslaan. Op die foto hierbo speel hy ‘n gedeelte van sy voordrag in staande posisie.

 

 

Gerhard se prestasie is ‘n bewys dat nie net sangers nie, maar ook musikante, ‘n ewe goeie kans staan om by die WOW!-STêR talentdae te vorder tot die hoogste sport. Die ander wenners was Pierre (naaswenner) en Talita (derde plek). Gerhard Olivier wat die MINI WOW!-STêR (algehele wenner) is, is in die middel op die foto hierbo.

 

Om in te skryf vir een van die WOW!-STêR talentdae op Somerset-Oos, Graaff-Reinet, Jeffreysbaai of Port Elizabeth stuur ‘n e-pos aan info@gouedrome.co.za of skakel Elna Botha by tel nr 082 706 9717. Die heel  maklikste is as gebruiker te registreer op die webblad www.wowster.co.za en sodra jou registrasie goedgekeur is, via die inskrywingsvorm op die webblad in te skryf. Laat weet ons gerus as jy enige hulp nodig het met die inskrywing.

 

Enigeen is welkom om die talent-vertonings by te woon en deelnemers van enige ouderdom (sangers en musikante) kan inskryf. Jakes op die foto links het sy Countryvernuf by Somerset-Oos tentoongestel.

 

Belangrik: Indien jy weet van enigeen (enige ouderdom of taal - sanger of musikant) wat graag aan die WOW!-STêR op  ander dorpe soos Kirkwood, Port  Elizabeth,   Jeffreysbaai, Graaff-Reinet sal wil deelneem … stuur hulle e-posadres aan ons by info@gouedrome.co.za. Dorpe wat nog nie deel is van die konsep nie, is welkom om aansoek/navraag te doen by dieselfde e-posadres.